ஆப்கானிஸ்தான் அணியை வீழ்த்திய பங்களாதேஷ்.

ஆசிய கிண்ண T20 தொடரின் குழு B யில் நேற்று ( 16) அபுதாபியில் உள்ள ஷேக் ஸயீத் மைதானத்தில் நடைபெற்ற 9வது போட்டியில், பங்களாதேஷ் மற்றும் ஆப்கானிஸ்தான் அணிகள் மோதின.

இப் போட்டியில் பங்களாதேஷ் அணி 8 ஓட்டங்கள் வித்தியாசத்தில் ஆப்கானிஸ்தான் அணியை வீழ்த்தி வெற்றி பெற்றது.

போட்டியில் நாணய சுழற்சியில் வென்ற பங்களாதேஷ் அணித்தலைவர் லிட்டன் தாஸ் முதலில் துடுப்பெடுத்தாடத் தீர்மானித்தார்.

அதன்படி, முதலில் துடுப்பெடுத்தாடிய பங்களாதேஷ் அணி 20 ஓவர்களில் 5 விக்கெட்டுக்களை இழந்து 154 ஓட்டங்களைப் பெற்றது.

பங்களாதேஷ் அணி சார்பில்,

– தன்சிட் ஹசன் தமிம் 52 ஓட்டங்களை அதிகபட்சமாக பெற்றுக் கொண்டார்.

ஆப்கானிஸ்தான் அணி பந்துவீச்சில்,

– ரஷித் கான் (2/26) மற்றும் நூர் அகமது (2/23) தலா இரண்டு விக்கெட்டுகளை வீழ்த்தினர்.

பதிலுக்கு துடுப்பெடுத்தாடிய ஆப்கானிஸ்தான் அணி 20 ஓவர்களில் சகல விக்கெட்டுக்களை இழந்து 146 ஓட்டங்களைப் பெற்று 8 ஓட்டங்கள் வித்தியாசத்தில் தோல்வியடைந்தது.

ஆப்கானிஸ்தான் அணி சார்பில்,

– ரஹ்மானுல்லா குர்பாஸ் 35 ஓட்டங்களை அதிகபட்சமாகப் பெற்றார்.

பங்களாதேஷ் அணி பந்து வீச்சில்,

– முஸ்தஃபிசூர் ரஹ்மான் 28 ஓட்டங்களுக்கு மூன்று விக்கெட்டுகளை வீழ்த்தினார்.

மேலும், பங்களாதேஷ் அணியின் இந்த வெற்றி, பங்களாதேஷ் அணியின் (சூப்பர் 4) இல் முன்னேறும் வாய்ப்பை உயிர்ப்பித்துள்ளது