இலங்கை அணியை வலுப்படுத்த வெளிநாட்டு பயிற்சியாளர்கள் நியமனம்

தேசிய உயர் செயல்திறன் மையத்திற்காக புதிய பயிற்சியாளர்களை நியமித்துள்ளதாக இலங்கை கிரிக்கெட் நிறுவனம் இன்று அறிவித்துள்ளது.

2023 முதல் 2026 வரை நெதர்லாந்து தேசிய அணியின் பந்துவீச்சு பயிற்சியாளராகவும், இடைக்கால தலைமைப் பயிற்சியாளராகவும் பணியாற்றிய ரையன் வான் நீகெர்க், தற்போது இலங்கை கிரிக்கெட் சபையின் தேசிய வேகப்பந்து வீச்சு பயிற்சியாளராக நியமிக்கப்பட்டுள்ளார்.

இவர் தேசிய ஆண்கள் அணி உட்பட அனைத்து தேசிய அணிகளினதும் வேகப்பந்து வீச்சு நடவடிக்கைகளை மேற்பார்வையிடுவார்.இவரது பதவிக்காலம் ஏப்ரல் 15 ஆம் திகதி முதல் இரண்டு ஆண்டுகளுக்கு நடைமுறைக்கு வரும் எனவும் தெரிவிக்கப்பட்டுள்ளது.

ஜோர்டான் கிரிகோரி (Jordan Gregory) – தேசிய களத்தடுப்பு மற்றும் சுழற்பந்து வீச்சு பயிற்சியாளர் நெதர்லாந்து கிரிக்கெட் சபையின் களத்தடுப்பு ஆலோசகராக பணியாற்றிய ஜோர்டான் கிரிகோரி, தேசிய களத்தடுப்பு மற்றும் சுழற்பந்து வீச்சு பயிற்சியாளராக நியமிக்கப்பட்டுள்ளார்.