நாட்டில் புதிய கல்வி சீர்திருத்தம் – ஆசிரியர் பயிற்சி ஆரம்பம்.
நாட்டின் புதிய கல்வி சீர்திருத்தங்களை வெற்றிகரமாக செயல்படுத்தும் நோக்கில், மூன்றாம் தவணை தொடங்குவதற்கு முன்பு ஆசிரியர் பயிற்சி திட்டத்தை வெற்றிகரமாக நிறைவு செய்ய கல்வி அமைச்சு திட்டமிட்டுள்ளது.
ஆசிரியர் பயிற்சி திட்டத்தை மாகாண மட்டத்தில் தொடங்க முடிவு செய்யப்பட்டுள்ளது, மேலும் தேவையான நிதி ஒதுக்கீடுகள் ஏற்கனவே மாகாண கல்வி அதிகாரிகளுக்கு வழங்கப்பட்டுள்ளன.
தற்போது, தேசிய கல்வி நிறுவனம் பயிற்சியாளர்களுக்கான பயிற்சியைத் தொடங்கியுள்ளது. முதல் கட்டத்தில், முதல் தர ஆசிரியர்களைப் பயிற்றுவிப்பதற்கான பயிற்சியாளர்கள் குழுவிற்கு பயிற்சி அளித்த பிறகு, பயிற்சித் திட்டம் மாகாண மட்டத்தில் செயல்படுத்தப்படும்.
அதன் பின்னர், ஆறாம் வகுப்பு ஆசிரியர்களுக்கான பயிற்சித் திட்டம் இரண்டாம் கட்டத்தில் தொடங்க திட்டமிடப்பட்டுள்ளது. புதிய பாடத்திட்டத்திற்கு ஏற்ப, பாரம்பரிய பாடப்புத்தகங்களுக்குப் பதிலாக இந்தப் புதிய அலகுகள் அறிமுகப்படுத்தப்படும்.
என கல்வி அமைச்சு அறிவித்துள்ளமை குறிப்பிடத்தக்கது.
