சீனாவுக்கு எதிராக 500% வரி – அமெரிக்கா அதிரடி.

அமெரிக்கா ஜனாதிபதி டொனால்ட் ட்ரம்ப், சீனாவுக்கு எதிராக அதிகபட்சம் 500% வரி விதிக்க தயாராக இருப்பதாக, அமெரிக்க திறைசேரி செயலாளர் பெசன்ட் தெரிவித்துள்ளார்.

இந்த நடவடிக்கை, சீனா ரஷ்யாவிடம் இருந்து மசகு எண்ணெய் கொள்வனவில் ஈடுபடுவதால் எடுக்கப்படுவதாகவும், 85 செனட்டர்கள் இதை ஆதரிக்கத் தயாராக உள்ளதாகவும் தெரிவிக்கப்பட்டது.

இது அமெரிக்கா – சீனா இடையிலான வர்த்தக மோதலை தீவிரமாக்கும் என்பதுடன், உலகளாவிய எண்ணெய் சந்தையும், விநியோகமும் பாதிக்கப்படலாம் என எச்சரிக்கை விடுக்கப்பட்டுள்ளது.

மேலும், ரஷ்யா தயாரிக்கும் ட்ரோன்களில் சீனாவில் தயாரிக்கப்பட்ட பாகங்கள் இருப்பதையும், அதற்கான ஆதாரங்களை அமெரிக்கா விரைவில் வெளியிட உள்ளதாகவும் தெரிவிக்கப்பட்டுள்ளது.