BIMSTEC நிபுணத்துவ குழுவின் ஆரம்ப மாநாடு இலங்கையில்

7வது இந்திய சமுத்திர மாநாட்டிற்கு இணைவாக 2024ம் ஆண்டு இடம்பெற்ற கலந்துரையாடலின் போது அரச நிதி மற்றும் நிதி கொள்கை தயாரிப்பு மற்றும் நடைமுறைப்படுத்தல் தொடர்பில் நிபுணத்துவ அறிவு உட்பட அனுபவங்களை உறுப்பு நாடுகளுக்கிடையில் பகிர்வதற்கு வசதிகளை திட்டமிடும் வகையில் அரச நிதி மற்றும் நிதி கொள்கை தொடர்பில் நிபுணத்துவ குழுவொன்றை ஸ்தாபிப்பதற்கு வெளிவிவகார அமைச்சினால் யோசனை முன்வைக்கப்பட்டுள்ளது.

குறித்த எண்ணக்கருவிற்கு அனைத்து உறுப்பு நாடுகளினதும் அமைச்சர்களின் அனுமதி கிடைக்கப்பெற்றுள்ளது. குறித்த நிபுணத்துவ செயற்பாட்டு திட்டங்களை தயாரிக்கும் வகையில் நிபுணத்துவ குழுவின் ஆரம்ப கூட்டத்தை இலங்கையில் நடத்துவது குறித்து ஆராயுமாறு வெளிவிவகார அமைச்சு ஊடாக பிம்ஸ்டெக் அலுவலகம் இலங்கையிடம் கோரிக்கையொன்றை முன்வைத்துள்ளது.

இதற்கமைய குறித்த நிபுணத்துவ குழுவின் 2026ம் ஆண்டுக்கான கூட்டத்தை இலங்கையில் நடத்தும் வகையில் நிதி அமைச்சர் என்ற அடிப்படையில் ஜனாதிபதி முன்வைத்த யோசனைக்கு அமைச்சரவை அனுமதி வழங்கியுள்ளது.