ஆசிய கிண்ணத் தொடர் இன்று ஆரம்பம்.

17வது ஆசிய கிண்ணத்தொடர் இன்று ஆரம்பமாகின்றது. தொடரின் முதல் ஆட்டத்தில் ஆப்கானிஸ்தான் – ​ஹொங்கொங் அணிகள் மோதுகின்றன.

செப்டம்பர் 28 ஆம் திகதி வரை நடைபெறும் இந்த தொடரில் 8 அணிகள் ஆசிய கிண்ணத்திற்காக போட்டியிடவுள்ளன.

இலங்கை அணி எதிர்வரும் சனிக்கிழமை பங்களாதேஸ் அணிக்கு எதிராக தமது முதல் போட்டியை ஆரம்பிக்கவுள்ளது.

அனைவரும் எதிர்பார்க்கும் போட்டியான இந்தியா – பாகிஸ்தான் அணிகள் மோதும் போட்டி எதிர்வரும் செப்டம்பர் 14 ஆம் திகதி நடைபெறவுள்ளது.

19 போட்டிகளில், இறுதிப் போட்டி உட்பட 11 போட்டிகள் டுபாயில் நடைபெறவுள்ளதுடன். எஞ்சிய எட்டு போட்டிகள் அபுதாபியில் நடைபெறும் என அறிவிக்கப்பட்டுள்ளது.

ஆசிய கிண்ண வரலாற்றில் நடப்பு சம்பியனான இந்தியா, எட்டு கிண்ணங்களை வென்று முதல் இடத்தில் திகழ்கின்றது.

தொடர்ந்து இலங்கை 6 தடவைகளும், அதைத் தொடர்ந்து பாகிஸ்தான் 2 தடவைகளும் கிண்ணம் வென்றுள்ளமை குறிப்பிடத்தக்கது.