தவெக வெற்றிக்கு அஜித் பாராட்டு!

தமிழக சட்டமன்றத் தேர்தலில் 108 தொகுதிகளில் வெற்றி பெற்று, நடிகர் விஜய் தலைமையிலான தமிழக வெற்றிக் கழகம் ஆட்சியமைக்கத் தயாராகியுள்ளது. இந்த வெற்றி, தமிழக அரசியல் வரலாற்றில் முக்கிய திருப்பமாக பார்க்கப்படுகிறது.

இந்த நிலையில், தவெக தலைவர் விஜய்க்கு பல்வேறு துறைகளில் இருந்து வாழ்த்துக்கள் குவிந்து வருகின்றன. குறிப்பாக, நடிகர் அஜித்குமார் தொலைபேசி மூலம் நேரடியாக விஜய்க்கு தனது வாழ்த்துகளை தெரிவித்துள்ளதாக இந்திய ஊடகங்கள் செய்தி வெளியிட்டுள்ளன.

மேலும், நடிகர்கள் சூர்யா, கார்த்தி, தனுஷ், விக்ரம் ஆகியோரும், இசையமைப்பாளர்கள் அனிருத், யுவான் சங்கர் ராஜா, தமன் உள்ளிட்ட பல திரைப்பிரபலங்களும் விஜயின் வெற்றியை பாராட்டி வாழ்த்துகளை தெரிவித்துள்ளனர்.

திரையுலகிலிருந்து கிடைத்த இந்த பரவலான ஆதரவு, விஜயின் அரசியல் பயணத்திற்கு மேலும் வலுசேர்க்கும் என எதிர்பார்க்கப்படுகிறது.