காமன்வெல்த் போட்டி முடிந்ததும் பல வீரர்கள் மாயம்… என்ன நடந்தது?

ஸ்காட்லாந்தின் கிளாஸ்கோவில் நடைபெற்ற 2026 காமன்வெல்த் விளையாட்டுப் போட்டிகள் முடிவடைந்த பிறகு, பல விளையாட்டு வீரர்கள் தங்கள் அணிகளுடன் திரும்பாமல் சொந்த நாடுகளிலிருந்து தப்பிச் சென்றுவிட்டதாக வெளிநாட்டு ஊடகங்கள் தெரிவிக்கின்றன.

பல விளையாட்டு வீரர்களைக் கண்டுபிடிக்க முடியவில்லை எனப் புகார்கள் வந்திருப்பதாகவும், இதுகுறித்து விசாரணைகள் தொடங்கப்பட்டுள்ளதாகவும் ஸ்காட்லாந்து காவல்துறை தெரிவித்துள்ளது.

இது தொடர்பாக இங்கிலாந்து உள்துறை அமைச்சகத்துடனும் ஒருங்கிணைப்பு மேற்கொள்ளப்பட்டு வருகிறது.

வெளிநாட்டு அறிக்கைகளின்படி, உகாண்டா குத்துச்சண்டை அணியின் நான்கு உறுப்பினர்கள் தங்கள் அணியுடன் தாய்நாட்டிற்குப் புறப்படவில்லை என்றும், அந்நாட்டின் உறுப்பினர் ஒருவர் ஸ்காட்லாந்தில் தஞ்சம் கோர எண்ணியுள்ளதாகவும் தெரிவித்துள்ளார்.

காணாமல் போன உகாண்டா வீராங்கனைகள் நுஹு பேட்டே, ஏஞ்சல் கடுஷாபே, இப்ராஹிம் கெமிஸ் மற்றும் எமிலி நகலேமா என பெயரிடப்பட்டுள்ளனர்.

இதற்கிடையில், பாகிஸ்தான் குத்துச்சண்டை அணியின் உறுப்பினரான குத்ரத்துல்லாவும் தனது அணியுடன் திரும்பாமல் காணாமல் போயுள்ளதாக பாகிஸ்தான் ஊடகங்கள் செய்தி வெளியிட்டுள்ளன.

கிளாஸ்கோவில் 2014-ஆம் ஆண்டு நடைபெற்ற காமன்வெல்த் விளையாட்டுப் போட்டிகளுக்குப் பிறகு பல விளையாட்டு வீரர்கள் காணாமல் போனதாகவும், அவர்களில் சிலர் தஞ்சம் கோரியிருந்ததாகவும், மற்றவர்கள் முற்றிலுமாக மறைந்துவிட்டதாகவும் வெளிநாட்டு ஊடகங்கள் தெரிவிக்கின்றன.

இருப்பினும், இனிவரும் காலங்களில் அளிக்கப்படும் புகலிட விண்ணப்பங்கள், ஒவ்வொரு வழக்கின் உண்மைகள் மற்றும் ஆதாரங்களின் அடிப்படையில், தனித்தனியாகப் பரிசீலிக்கப்படும் என்று இங்கிலாந்து அதிகாரிகள் தெரிவித்துள்ளனர்.