உணவுப் பொருட்களின் பணவீக்கம் அதிகரிப்பு!

நாட்டின் நுகர்வோர் விலைச் சுட்டெண் மற்றும் மாதாந்த நுகர்வோர் பணவீக்க விகிதத்திற்கமைய, ஜூலை மாதத்தில் பணவீக்கம் அதிகரித்துள்ளது. 

இதற்கமைய, ஜூன் மாதத்தில் 6.5 சதவீதமாகப் பதிவாகியிருந்த நாட்டின் பணவீக்கம், ஜூலை மாதம் வரை 7.2 சதவீதமாக அதிகரித்துள்ளதாகத் தொகைமதிப்பு மற்றும் புள்ளிவிபர திணைக்களம் தெரிவித்துள்ளது. 

அத்துடன், ஜூன் மாதத்தில் 3.3 சதவீதமாகப் பதிவாகியிருந்த உணவுப் பிரிவின் பணவீக்க விகிதம், ஜூலை மாதத்தில் 4.9 சதவீதமாக அதிகரித்துள்ளது. 

இதற்கிடையில், ஜூன் மாதத்தில் 9.3 சதவீதமாக இருந்த உணவு அல்லாத பிரிவின் பணவீக்கம், ஜூலை மாதத்தில் 9.2 சதவீதமாகக் குறைவடைந்துள்ளதாகத் தொகைமதிப்பு மற்றும் புள்ளிவிபர திணைக்களம் குறிப்பிட்டுள்ளது.